تك توران : گؤنئی آزربایجان میللی حرکاتیندا جاندان چالیشان و یاشایشلارینی میللتیمیز اوغروندا تهلوکیه آتان چوخلو سایدا میللی قهرمانلاریمیز موباریزه میدانیندا بؤتؤن سیناولاری اورتادا قویاراق آدلارینی آزربایجانین پارلاق تاریخینه یازمیشلار .
شوبهه سیز کی گنج میللی حرکاتیمیزدا " عباس لسانی " جینابلارینین
آدی ،
میللی قهرمانلاریمیزین ان اؤنؤنده گئدیر .
عباس لسانی کیمی بؤیؤک بیر شخصیتین موباریزه یاشامی کیمسه یه گیزلی دئیلدیر
کی بیریلری اونو اؤزه گتیرسین و یا خود اونون آدیندان سوء استعمال ائتسین . بیزده
اؤزؤموزه بو حاقی قائیل دئیلیک .
گؤنئی آزربایجان میللی موستقیل فعالاری طیفی بونا راغمن کی بو گؤنه دک عباس
بئی له مستقیم یا غیر مستقیم اولاراق هیچ بیر ایلیشکیده اولمایبدیر آنجاق موستقیل
طیف ، تعریفلدیگی قوراللار اؤزره حرکتیمیزده اولان هر بیر صادق فعالین
حاقیندان مودافعه ائتمه گی اؤزونه میللی گؤرو سایاراق بوتؤن میللی شخصیتلریمزی
ساووناجاقدیر و اونلار حاقدا عدالتسیز و تخریبچی پروپاگاندالاری ایستر حاکمیت
طرفیندن ایستر بیر سیرا آدینی میللی فعال !! قویوب موستقیل شخصیت لری شانتاژ و
تخریب ائدن گؤجلرین اؤنؤنده دایاناجاقدیر .
بو یازی واسیطه سیله عباس لسانی جینابلاریندان
اؤز حمایه میزی گؤستریریک و اونلارا کی بیله رک و یا بیلمه یه رک میدانا دؤشؤب
موستقیل صادق شخصیتلریمیزی تخریب ائدیرلر بیر سؤزو دئیریک : آی هیچ زامان بولوت
آلتدا قالمایاجاقدیر
« طیف فعالین مستقل حرکت ملی آزربایجان جنوبی »
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ərdəbil aslanı " abbas lisani " iftixarımızdır _ Güney azerbaycan milli müsteqil feallari teyfi
Güney azerbaycan milli hərəkatında candan çalışan və yaşayışlarını
millətimiz uğrunda təhlikiyə atan çoxlu sayda milli qəhrəmanlarımız mubarizə
meydanında bütün sınavları ortada qoyaraq adlarını azerbaycanın parlaq tarixinə
yazmışlar .
Şübhəsiz ki gənc milli hərəkatımızda " abbas lisani " cinablarının adı milli qəhrəmanlarımızın ən önündə gedir .
Abbas lisani kimi böyük bir şəxsıyətin mubarizə yaşamı kimsəyə gizli
deyildir ki biriləri onu üzə gətirsin və ya xud onun adından su istimal etsin .
bizdə özümüzə bu haqqı qayil deyilik .
Güney azerbaycan milli müsteqil fealları teyfi buna rağmən ki bu
günədək abbas bəylə müsteqim ya qeyri müsteqim olaraq heç bir ilişkidə olmayıbdır
ancaq müsteqil teyf , təriflədigi qurallar üzrə hərəkətimizdə olan hər bir
sadiq fəalın haqqından mudafiə etməyi özünə milli görəv sayaraq bütün milli
şəxsiyətlərimizi savunacaqdır və onlar haqda ədalətsiz və təxribçi
propaqandaları istər hakimiyət terəfindən istər bir sıra adlarını milli fəal !! qoyub milli müsteqil şəxsiyətləri şantaj və təxrib edən güclərin
önündə dayanacaqdır .
Bu yazı vasitəsilə abbas lisanı cinablarından öz himayəmizi
göstəririk və onlara ki bilərək və ya bilməyərək meydana düşüb müsteqil sadiq
şəxsiyətlərimizi təxrib edirlər bir söz deyirik : Ay
heç zaman bulut altda qalmayacaqdır .
« Güney azerbaycan milli müsteqil feallari teyfi»
