تك توران : اؤلولر ولایتینده چوخدان اؤلموش ولیدیر
اؤلوم بازارینی قیزدیران
اسگی اؤلولری ازدیرن
دیریلری بئزدیرن
اؤلولر
قورولوشودور دیریلیکدن خبرسیز
میلیونلار اؤلسه
ده اونا اثر سیز
سانکی شیطاندیر
اؤلو ولینین اپریمیش
دریسینده ترپه نن
آداملاری آللادان
جهننه مه اود قالایان
آزدیران آسدیران
کسدیرن
مینلری پالچیق
ائولرینده باسدیران
کؤرپه لره قان
قوسدوران
اؤلو ولینین ولایتینده
قارا گوندور
اؤلومدور پایلانان سخاوتله
گنجلیکدیر دیریلیکدیر
گؤزللیکدیر
قینانان عداوتله
فیدانلاردیر زوغ
آتمادان سارالان
آرزولاردیر
دوستاقلاردا پاسلانان
کیدورتله قساوتله .
اؤلولر ولایتینده
آنا تورپاق
کؤکسونده سیزلاییر
یوخسوللوغون ویرانلیغین
اسیرلیین قاداسی
اودوزولان دوننلرین
یاراسی
کوفولداییر اؤلوم
قالیم هاواسی
ایتیب باتیب یاشامین
شن هاواسی
......
قورتولوشدان ساوای
وارمی بو بلانین چاراسی
نه دیر ؟
بیر بیلن وارسا
دئین وارسا
بیر منیده باشا
سالسین
پارام پارچا اؤره
ییمی اله آلسن
