قوجا تبریز اویاندی، خبر
وئردی تئهرانا
آرتیق گلمیشم جانا، ۲۱
آذر گونو
فدایی لر صفلرده، میللت
دوردو یان یانا
اورمیه دن زنجانا، ۲۱ آذر
گونو
تبریز چیخمیشدی حربه،
اورمیه ده یانیندا
زنچان دورموش سولوندا،
اردبیلده ساغیندا
قورتولوش حیسسی واردی، ایگید
تورکون قانیندا
اورمیه دن زنجانا، ۲۱ آذر
گونو
گئتمه لییدی ایشقالچی، قورولمالییدی دوولت
بیتمه لییدی اسارت، سیلینمه
لییدی ذیللت
سدلر ییخیلدی بیردن، سئل
اولدو آخدی میللت
اورمیه دن زنجانا، ۲۱ آذر
گونو
دستان یازدی بو میللت،
حماسه لر یاراتدی
هوجوم ائتدی فاشیسته،
گوزون یامان قاراتدی
فارسا مئیدان وئرمه دی،
اونا آلان داراتدی
اورمیه دن زنجانا، ۲۱ آذر
گونو
باشکند تبریزدی آرتیق،
قالدیریلمیشدی بایراق
پریشان اولموشدو شاه، فاشیست
ملعون او سارساق
دفع اولموشدو ایشقالچی،
قورتاریلمیشدی تورپاق
اورمیه دن زنجانا، ۲۱ آذر
گونو
اوزون سورمه دی گوندوز،
قارانلیق تئکرار چوکدو
ساغلا سول ائشلییینده،
فاشیست نه قانلار توکدو
باسقین ائتدی اولکه یه، یاندیردی
یاخدی سوکدو
اورمیه دن زنجانا، ۲۱ آذر
گونو
فدایی لر اولسه ده، قییام
روحو زینده دیر
سوندورلسه آتشی، کوزو هله
تازه دیر
اوغراسادا باسقینا، بو
خالق هله اونده دیر
اورمیه دن زنجانا، ۲۱ آذر
گونو
آتیللا تورک
