دئنکتاشین تابوتو، هم تورک، هم ده گوزئی قیبریس تورک جمهوریتی بایراق‌لاری ساریلدی.
دئنکتاشین "منی تورک عسگری‌نین نامیزده یئنیدن باسماسینی تامین ائدن بیری اولا‌راق چکسین‌لر" سؤزلرینه استیناد اولان قیبریس تورک مطبوعاتی، قوروجو جمهور باشقانینین جنازه‌سی‌نین تورک عسگری طرفیندن داشیندیغینا، تورک عسگری طرفیندن مصاللا داشینا قویولدوغونا دقت چکدی.
لیدرلرینی اوغورلایان قیبریس‌لی تورکلئر، قوروجو جمهور باشقانلاری‌نین آردیندان گؤزیاشی تؤکدو. قیبریس تورک مطبوعاتی، "دئنکتاش هر کس طرفیندن چوخ سئویلن بیر لیدر ایدی" شرحلرینه یئر وئردی.
جنازه نامازینا، یوغونلوق اوزوندن سلیمییه مسجیدینه آلینا بیلمه‌ین قیبریس تورک خالقی دا یولداشلیق ائتدی.
تورپاغا وئریله‌جی جمهوریت پارکینا آپاریلارکن، جنازه‌سینه خالق طرفیندن قره‌نفیل‌لر آتیلدی، آلقیشلارلا و گؤز یاشلاری ایله یولا سالیندی.
دئنکتاش اوچون توپلانان هر یاشدان قیبریس تورک خالقی، "آتا دئنکتاش راحت اویو"، "بوتون تورک اولوسونون و خالقیمیزین باشی ساغ اولسون. سیزی اصلا اونوتمایاجاغیق" و "سنی و جمهوریتی سون‌سوزا قدر یاشاتاجاغیز" یازیلی پلاکاتلار داشیدی.
آذربایجان‌لی‌لارین ده قاتیلدیغی مراسیمده قوزئی قیبریس، تورک بایراق‌لاری‌نین یانیندا،دئو آذربایجان بایراغی دا دالقالاندیریلدی.
بایراق رادیو و تلویزیونو، جنازه خبرینی جانلی نشرلرکن، "قیبریس تورک خالقی آتاسینا آغلیر، سون وظیفه‌لرینی یئرینه یئتیریر" آنونسونو ائتدی، "الله کیمسنی وطنسیز، بایراقسیز بوراخماسین" سؤزلرینه استیناد ائدیلدی.
حیات یولداشی آیلین دئنکتاش، تعزیه‌لری قبول ائدرکن، بیر آرا باشینی جمهور باشقانی عبدالله گولون سینه‌سینه دایادی، گؤزیاشی تؤکدو.
تورکیه‌نین ان اوست سویه سیاستچی‌لری، سیاستچیلری‌نین قاتیلماسی، گوزئی قیبریس تورک جمهوریتینده گئنیش سس سالدی. قیبریس تورک مطبوعاتی، تورکیه‌نین ایلک دفعه بیر خاریجی اؤلکه‌ده بو قدر گئنیش ایشتیراکلی اولا‌راق تمثیل دقت چکدی.
قیبریس‌لی تورک مسئوللار، تورکیه‌نین گئنیش ایشتیراکی‌نین آنکارانین قیبریس دعواسییلا یاخیندان ماراقلاندیغینی گؤستردیگینی، بونون اونلارا گوون وئردیگینی قید ائتدیلر.
تی آر تی
