آزربایجانین آزادلیغی و اراضی بوتؤو‌لوگو اوغروندا موباریزه تاریخینه قهرمان‌لیق صحیفه‌سی کیمی داخیل اولموش ۲۰ یانوار(ژانویه) فاجعه‌سی‌نین ۲۲-جی ایلدؤنومودور. ۲۰ یانوار آذربایجان خالقی‌نین حزن و شرف گونودور.
۲۲ ایل اونجه، یانوارین ۱۹-دان ۲۰-نه کئچن گئجه آذربایجانا قارشی اراضی ادعا‌لاری ایره‌لی سورن ائرمنیستانین تجاووزکار حرکت‌لرین‌دن و کئچمیش س.س.ر رهبرلیگی‌نین ائرمنی‌لره هاوادارلیغین‌دان حیددت‌لنن، باکی‌نین کوچه‌لرینه و میدان‌لارینا چیخا‌راق بونا اعتراضینی بیل‌دیرن گئنیش خالق کوتله‌لرینه قارشی سووئت اوردوسو وحشیجه‌سینه هوجوما کئچیب، آتش آچیب. سووئت قوشون‌لاری‌نین تجاووزو نتیجه‌سینده باکیدا ۱۳٤ سیویل وطنداش اؤلدورولوب، ٦۰۰-دن چوخ آدام یارالانیب. اؤلدورولن‌لر آراسیندا بئش میللت نماینده سی، ۲۰-دن چوخ قادین، اوشاق وار.
۱۰۰ جیلدلیک ایستینتاق ماتئریا‌لی‌نین ٦۹ جیلدی باکی‌دان موسکوایا، کئچمیش س.س.ر ساوجیلیغا آپاریلیب و بیر داها گئری قایتاریلماییب. آذربایجان خالقی‌نین معروض قالدیغی بو تجاوز ایندیه دک بشریت علیه ینه جینایت کیمی اولوسلارآراسی آلاندا لاییق اولدوغو یئری آلماییب، جینایتکارلار جزالاندیریلماییب.
۲۰ یانوار میخایل قورباچوو باشدا اولماقلا، جینایتکار ایمپئریا رهبرلیگی‌نین آذربایجانا قارشی خیانتکار سیاستینه دؤزمه‌ین، اؤز آزادلیغینا، موستقیل‌لیگینه جان آتان خالقیمیزین هم ده موباریزلیگینی، اییلمزلیگینی، مغرورلوغونو نوماییش ائتدیریب. مرد وطن اؤولادلاری جانلاریندان کئچه‌رک شهیدلیک زیروه‌سینه اوجالیب‌لار. ایمپئریانین اصل سیماسی همین گون اوزه چیخیب. خالقیمیز موستقیل‌لیک اوغروندا داها عزمله مباریزه‌یه باشلاییب. بو گون مستقیل آذربایجاندا همیشه یوکسک سویه‌ده قئید اولونور، شهیدلرین روحو یاد ائدیلیر.
تی آر تی
