دونيا آنا ديلي گونو آنماسينا چاغيريش ــ اوغوز تؤرک ــ شکیل

تک توران : دونيا آنا ديلي گونو آنماسينا چاغيريش تبریز سسی : گونئي آزربايجان تؤرکونون بوتون کيشيسئل و توپلومسال هاقلارينين آراسيندا ان اؤنمليلريندن اولان، اؤز ديليني دانيشيب، يازيب، اؤيرديب، اؤيره نيب، و رسمي اولاراق اؤز رسمي و ميللي ايداره لرينده ايشلتمک حققي، اونا اسيرگئنميشدير.

بو اينسانا و توپلوما قارشي ياساقلارا ان آز ائلئشتيري و اعتيراض، ان آغير سوچلامالار و سونوجدا ان آغير ايتگيلر وئرملي اولماقلا جاوابلانميشدير. گئچميش 80 ايلده، ايران ايشقال گوجلري، گونئي آزربايجاني هر يؤندن، نيظامي، سياسي، گئچيمسئل، توپراقسال، و اؤزلليکله ديل و کولتور يؤنوندن سالديرييا اوغراتميشلار. ايران ايشقال گوجلري، هر دوندا و هر رنگده اولور اولسون، پاهلاويلرينده ن توتدو تا ايسلامي فاشيستلرينه و هتتا ياشيلچي و يا فئدرالچيلاراجان، هاميسي، گونئي آزربايجانا و گلجک بؤيوک آزربايجانا آند ايچميش دوشمانديرلار.

ايندي، ايران دوشونجسي، آزربايجان دوشونجسي ايله رسمن قارشي قارشييادير. گونئي آزربايجان، اؤز تؤرکجسينه ساريلاراق بو قوتسال بؤيوک آزربايجان دوشونجه سيني گرچکلشديره بيلر. اؤزونه، گئچميشينه، و گلجيينه سايقيسي اولان گونئي آزربايجان تؤرکونون ان کسگين سيلاهلاريندان بيري ده اونون اؤز به اؤز تؤرکجه سيدير. بو گوجلو و ديرلي سيلاه قوللانيلماليدير. تؤرکجه بير سيلاه اولاراق دوشونولمه ليدير. بو دوشونجه هر گونئي آزربايجان ميللي حرکتچينين تمل ساواش تاکتيکي اولماليدير. ايران ايشقالينا قارشي، هر يؤنده و هر تورلو، ديره نيش گؤسترليمه ليدير. بو ديره نيش و بو قارشي ساواش، ايران يانليسي اولان هرکسه و اؤزلليکله گونئي آزربايجاني ايران فئدرال سيستمي آدي آلتيندا، ايران ايشقالي آلتيندا توتماغا چاليشانلارا آچيلماليدير. گونئي آزربايجان تؤرکونون قورتولوشو و سعادتي، يالنيز اونون ايران ايشقاليندان آرينماسيندان، و اؤز باغيمسيزليغينا يئتيشمه سيندن، و بؤيوک آزربايجانين يارانيشيندان اولاجاقدير. بو آرزييا و بو سعادته يئتيشمک اوچون، ديليميز اولان بو گوجلو سيلاهين ديريني آنلاماليييق.

ايللر اؤنجه، بيز گونئي آزربايجاندا و باشقا تؤرک ياشايان بؤلگه لرده، اوخوللارين بيرينجي گونونو اؤخولا گئتمه ما غا اؤنرميشديک. بو دوشونجه ياواش ياواش هر سياسي قوروبون منيمسه نميش تاکتيکينه دؤنموش دورومدادير. بو دوشونجه ني گرچکلشديرمک اوچون بوتون سياسي قوروبلار جيدي اولاراق، ايشبيرليگينده اولماليديرلار. بو بير گونو بير يديگونه (هفته یه) اوزاتماق، و بو ائيلمي ايشقالدان قورتولماغا گوجلو بير آراج کيمين قوللانماق اولار. اوخوللاردا و رسمي يئرلرده تؤرکجه دانيشماغا و يازيشماغا ايصرارلي اولماق و بونون اوستونده ديره نمک و بو ائتگينليغي ائيلمه شديرمک گرکلي و يارارليدير.

آنالار، فارسجا بيلمه ين ساوادسيز اولار و گريده قالار دوشونجئسينين بوش و دوشمان و دوشمانا اويانلارين اويونو اولدوغونو بيليب و اؤز اوشاقلارينا اؤز آنا ديللريني اؤيرتمه کله اونلارا و گله جک نسله خيانتده بولونماسينلار. بابالار، ائوده تؤرکجه دانيشيلار قوراليني اويقولاماقلا، حاکيم فارس ميللتينين ائولره اوزانان ايغرنج ائگئمه نليک اليني کسسينلر. يئني دوغولان چوجوخلارين آدلاريني تؤرکجه قويماقدا ايصرارلي اولماقلا، و حتتا هرکس اؤز آديني ويا ايش يئرينين آديني تؤرکجئيه دييشديرمک اوچون ايشقالچي دولتين سبت احوال ايداره سينه گئتمئکله بؤيوک بير سياسي دالقا و ائيلم گئرچکلشديربيلريک. ايشقالچي ميللتين ديليني ايشلتمکده ن چکيلمک ان بؤيوک ميللي باشيمه مه کدير. ايشقالچي ميللتين ديلينده راديو، تلويزيون، و قازتلري بايکوت ائتمک و ايلگيله نمه مک، گونئي آزربايجان تؤرکونون باش بئينيني نؤکرائديجي، کؤله لشديريجي و بير سؤزده فارسلاشديريجيليقدان قورتولماغا يؤنلي گؤتورر. ميللي حرکتيميزين چاليشانلاري و باغلي اولدوقلاري قوروبلار، هرکئس و هامي، تؤرکجئيه ايراندان قورتولماق اوچون بير سيلاه اولاراق باخماليديرلار، و بو کسرلي، دئيرلي، و يارارلي سيلاهين قوللانيش يوللاريني اينجله مه لي و بيلمه ليديرلر.

کيشينين (اينسانين) ان ايلکل و ان دوغال حقلريندن اولان آنا ديليندن بو قدر اؤز توپراقلاريميزدا مهروم قالماق هئچ کيشييه و اؤزلليکله هئچ تؤرکه ياراشماز. بو قدر ائشاغاليق دوروم کيمسه يه ياراشماز البتته. آما، گئچميش 80 ايلده فارس ميللتينين اوستونلوغونو ساوونان ايرانچيلار، قوندارما ايران ياراتماقلا و قوندارما ايرانلي ميللتي ياراتماقلا، ياواش ياواش تؤرکو و اؤزلليکله گونئي آزربايجان تؤرکونو تؤرکسوزلشديريلمه یه و فارسلاشديريلماغا سوروکلميشديرلر. ايندي قوندارما ايراندا، 35،000،000 تؤرکون اؤز آنا ديليندئن بؤيلئ مئهروم توتولماسي و بو قدر تحقير اولونوب ائشاغالانمسي، هرکسه بير نورمال دوروم و قبول اولونموش سوره ردوروم اولسا دا، دونيا ديلچيليک بيليمينه گؤره و دونيا توپلوم و تينتوپلوم بيليمينه گؤره بؤيوک بير فاجيه دير. گونئي آزربايجان تؤرکونون بؤيله ايران ايچينده گون به گون ائريگيب گئتمه سي و ياواش ياواش يوخ اولماسي، اينسان تاريخينده ان بؤيوک ايتگيلردن بيري و ان بؤيوک فاجيه لردندير. بو ديلقيريمي همن سؤيقيريما بئنزئردير و سونوجلاري دا همندير. بو بؤيوک فاجيه نين بيزيم مظلوم ميللتين باشينا ياواش ياواش گلمه سي اونون حيس ائديلمه سيني داها چتينلشديرميشدير. بير ياندان دا فارسلاشديرماغين و تؤرک دوشمانليغينين اؤنده گئده نلرين بير چوخو تؤرک کؤکنلي اولماغي بو ايغرنج و قورخونج سوره جي داها دؤزوملو و يوموشاقلاشديرميشدير.

گئچميش يوزيلده ايران بوتونلوغونو ساوونان و تؤرک وارليغيني فارس ميللتينين اياغينا سالان، سؤزده آيدينلارين چوخو تؤرک کؤکنلي اولموشلار. ياشاملاريني فارسا و ايرانا آداميش و تؤرک دوشمانلارينا سياسي ويا ادبي ادبييات يارادانلار، ايشقالچي، اردمسيز، و تجاووزچو فارس اوردوسوندان داها دا بئتر و داها دا زهرلي ائتگي بيراخميشدير. گونئي آزربايجان تؤرکونون قارشيسيندا دوران و اونو اؤز آنا ديليندن محروم ائدن، اونون خاين، ساتيلميش، مانقوت، وطنسيز، سؤزده  آيدينيدير. ميللي حرکته، بو قارانليق يايان آما آيدين گئچينن تؤرک کؤکنليلر ان تهلوکه لي عاميللر اولموشلار. ميللي حرکتين چاليشانلاري بو تهلوکه يه دويارلي اولمالي و اونا قارشي دورماليديرلار. باشارديقجا ايشقالچي ميللتين ديلي، فارسجا يازماقدان چکينيلمه لي و هر يئرده تؤرکجه يي رسمي اولاراق قوللانماليييق. تؤرکجه يه و اونون بيزه وئربيله جه غي گوجه اينانيب، تؤرکجه يازماليييق. آنا ديلي بيزه هر شئيده ن اؤنملي و قورتولوشا گؤتورن يول کيمين گؤرونمه ليدير.

بو گون، دونيا آنا ديلي گونونده، گونئي آزربايجاندا ايشقال آلتيندا اولان تؤرک ميللتينين آنا ديلينين حاکيم فارس ميللتينين الييله يوخ ائديلمه سينه ايلگي چکمک اوچون بير يئره ييغيشيريق و مظلوم و محکوم ميللتيميزين سئسيني هرکئسئ يئتيرمئک ايستئييريک. بو ييغينياجاقدا آنا ديلي ايلئ و اؤزلليکله گونئي آزربايجان تؤرکجه سينين بو دايانيلماز و وخيم دورومويلا ايلگيله نن هرکسدن قاتيلمالاريني ايسته ييريک.

سايقيلاريملا