تک توران : تهران فیریلداقچیلاری نین سئچگی تأتری رسوایچیلیقا و مغلوبییته محکوم دور.
آذربایجان میللتی 66 ایل بوندان قاباق سئچدیگی میللی قورتولوش یولونا داوام وئره جئک .
بیزیم بابالاریمیز چوخدان بئری میللتیمیزین یوُلون تهران راسیست رژیمی نین یولوندان آییرمیشدیلار.
بویوُل ایستقلال، قورتولوش یولودور میللتیمیزین یئنی چاقدا مقدس میللی مجادیله سیده ائله همان یوُلون داوامی دیر.33 ایل دیرکی فیریلداقچی حیله گر موللا رژیمینین جور به جور قانلی تأتر اوُیونلارینا شاهیدیک . بونا گورادا قوندارما انتصابات تأتریندا ایشتراک اتمئگین هئچ معناسی مفهومو یوخدور. راسیست فارس رژیمی نین اوُیونلارینا آلت اوُلماق گولونج و مسخره دن باشقا بیر شئی دئییر. همده اوُزوموزو ، میللتیمیزی آلدادماق معناسیندا دیر . تأسوف له هئله ده بعضی خام خئیالی شخص لر وارکی أللری قانلی تورک دوُشمانی اوُلان موللا لاردان نئدنسه " مرحمت " گوُزله یرلر! آذربایجان میللتی 66 ایل بوندان قاباق اوُز سرنوشتینه حاکیم اوُلماقین یوُلون دوزگونلوکله میللی ایستقلال یوُلو اولاراق سئچمیشدیر.
بوگونکو میللی حرکتیمیزین ریشه لری غئیرتلی بابالاریمیزین ، قهرمان آنالاریمیزین ، مینلرجه ایگیدلریمیزین مقدس قانلاری ایله سوواریلیب . ایرانچیلیق ، تمامییت ارضی چیلیک ، ولایت فقیۀ و فارس راسیسمینه باش أئیب یالتاغلانماق و اوُنون قوندارما انتصاباتیندا ایشتراک اتمئک ، رسوایچیلیقدان باشقا بیر شئی دئییر.
فارس فاشیست رژیمی ایله اوُلوم ، قالیم مجادیله سینده اولان آذربایجان تورکونه بئله بیر چیرکین اوُیونا قاریشیب ، رژیمین قوندارما انتصاباتیندا ایشتراک اتمئگ کاندید اوُلوب و یا رأی وئرمئگین دوُزگون معناسی بودورکی ، اوُز میللتیمیزه دال چئویریب ، أللری قانلی فارس راسیسمی نین بوتون جینایت لرینه تجاوزلارینا، اهانت لرینه ،برائت قازاندیرماقدان باشقا بیر شئی دئییر.
اورمو گولونون یارالارینین سیزیلتی سین نئجه اونودماق اولار؟ اوُتوز ایلدن کی موللا رژیمی وطنیمیزین بوتون یئر آلتی ، یئر اوستو ثروت لرین روس ارمنی فاشیست لری و باشقا غارتگرلرله بیرلیکده گئجه گوندوز آمانسیز جاسینا یاغمالاماقدادیرلار .
وطنیمیزین گوُزل طبیعتین ، اوُرمانلاریمیزی ، سو قایناغلاریمیزی ، معدن لریمیزی ، مین ایللیکلره دایانان تاریخی وارلیغیمیزی آشکار ائدن اثرلریمیزی اوتانمادان فارس تاریخی آدلاندیریب و یا اوُنو محو اتمئگه چالیشان دوشمانا بیز نئجه باش أییۀ بیلریک ؟ و یا اونون قوندارما مجلیسینده یالتاقلانیب ، کوُله لیگی قبول ائدیب اوُزمیللی وارلیقیمیزدان مدافعه ائده بیلریک می ؟ میللی مفکوره لی بیرآذربایجانلییا بئله بیر آلچاقلانماق یاراشارمی؟ آردیجیل اولاراق آنا دیلیمیزه ، زنگین ادبییاتی میزا اهانت لرائدیب ، تورکون دیلین بوُجئک دیلی آدلاندیران شخصییت سیز فوناتیک بیر طایفۀ ایله بیرمجلیسده اوُتوروب و اونلارین اهانت لرینه باش أیمئک اوزون آذربایجانلی آدلاندیران شخصه یاراشار می ؟ ایندی سئوال بوردا دیر؟
تهران رژیمی هانسی میللی مفکوره لی آذربایجانلییا فرصت وئرئر کی کاندید اوُلوب سئچیلدیکدن سوُنرا اوُزمیللتی نین تاپدالانمیش میللی وارلیقلاریندان ، طبیعی حاق لاریندان ، آنا دیلیندن مدافعه ائدسین ؟
میثال اولاراق :
1 ـ آذربایجانین بوتون شهروکندلرینده اوُلان مدرسه لرده درحال کوُرپه اوشاقلاریمیزاوچون درسلیک کیتابلاری حاضیرلانیب ، اوُنلارا اوُزآنا دیل لرینده اوخویوب یازماق درسی وئریلسین .
2 ـ آذربایجانین حال حاضیردا طبیعی ثروت لریندن اوُجومله دن قیزیل ، گوموش ، مرمر، میس ، آلمینیوم ، و سایره لردن أله گئلن بوُیوک گئلیرلر، آذربایجانین آبادلیقینا ، وجوربه جور احتیاجلارینا صرف اوُلونسون .
3 ـ اورمو گولون اوُلومدن قورتارماق اوچون ، بو گوُلون اوُز طبیعی سولارین آنا یاتاغینا قایتاریب و گوُله آخان زهرلی سولارین اوجومله دن کاوه سودا دان آخان زهرلی سولارین قارشی سی آلینسین . 4 ـ هئچ بیر گوناهلاری اوُلمادان ایللر بوُیو رژیمین زیندانلاریندا اشکنجه لره معروض قالان آذربایجانلی میللی فعاللاری قئید سیز ، شرط سیز، اینسان حاقلارینا دایاناراق آزاد اولمالارین رژیمین باشچیلارینا قبول اتدیره بیلسین . 5 ـ آذربایجاندا آزاد شئکیلده هئچ بیرهده قورخو و یا سانسوُراوُلمادان آنا دیلده مطبوعاتین نشراوُلونماسینا ، رادیو و تلویزیوندا خالیص و دوُزگون آذربایجان تورکجه سینده وئریلیش لر یاییلماسینا عملده حئیاتا ککئچیره بیلسین .
6 ـ بوتون پارتیالار، سندیکالار، صینفی جمعییت لر، اینجه صنعت قوروملاری ، قادینلارتشکیلاتی آذربایجاندا آزاد سربست فعالییته باشلییا بیلسینلر.
7 ـ نارکوُتیک ماده لرساتان مافیا گروپلاری هرکیمسه هرمقامدا اولور لارسا توتوقلانیب جزالانسینلار.
8ـ آذربایجاندا نارکوتیک ماده لره آلیشدیریلمیش اینسانلاراوچون مخصوص معالیجه کلینیک لری پولسوز اوُلاراق تأسیس اوُلونسون .
9ـ آذربایجاندا اوُلان بوُیوک ، کیچیک کارخانالاری فارس شهرلرینه کوُچورولمه سی نین قارشی سی آلینسین .
10ـ آذربایجاندا یئنی کارخانالار و ایش یئرلرینین یارانماسینا اویغون شرایط یارانسین و فارس شهرلرینده یاشییان آذربایجانلی ایش آداملاری و سرمایه صاحیب لرینین وطنه دوُنوش پروسئسینه مانع لرتوُره دیلمه سین .
11 ـ ونهایت جینایتکار ، ایشغالچی ارمنی لرله رابطه وهرجورایلیشگی قاراباغ آزاد اولمییان گونه قدر دایاندیریلسین .
بوحقیقت لرآذربایجان میللتی نین ایستئک لری نین بیر بوُلومودور . هانسی کاندید بو ایستک لر اساسیندا موللا مجلیسینه یوُل تاپا بیلر؟ و یا بیرمیللتین طبیعی حاقلارین دوزگون معنادا و دوزگون شئکیلده مدافعه ائدیب حئیاتا کئچیره بیلر ؟ بونلار فارس راسیسمی نین اوُلومو دئمئکدیر. راسیست رژیم بو اوُلوموساده لیکله قبول ائده بیلرمی ؟ آیدین دیر کی اینسان حاقلاری و عدالت دن قایناغلانان بو ایستکلر ، تکجه آذربایجان میللتی نین بیرلیگی و میللی مجادیله سی نین سئل گوجو سایه سینده ألده اولونا بیلر. راسیست فارس مجلیسینده بو حاقلار آذربایجان میللتینه وئریلمز.
12 ـ بوناگورادا ، قوندارما انتصابات کئسینلیکله ، تحریم ، تحریم ، تحریم اتمئک هر آذربایجانلی نین وظیفه سی دیر. چونکی مرحوم پیشه وری بیر دفعه لیک دئیب : خدا حافظ تهران .
یاشاسین آذربایجان ـ آذرخـش ـ 13 / 1 / 2011
