تك توران : اوشاق
اولار کن منی بیر گون آتام یئرسیز دویدو، نده نی بویوک قارداشیمین هارایلارینا باغلییدی.
اوندا دیلیم قیسسا اولدوغونا گوره چوخ هیرس یئدیم آما هئچ سوز دییه بیلمه دیم
آنجاق قارداشیما بونو دئدیم: اولسون بیر گون سنده ناحاق یئره دویولرسن. گولدو و
یانیمدان آیریلدی.
بو سوزومو آتام ائشیدمیشدی آما اوزونه گتیرمدی. قارداشیم ائوده
ن دیشاری چیخماق هامان آتام یانیما گلیب و منده ن سوردو: بس نییه دئمه دین کی
سوچلو قارداشینیدی؟ دئدیم آخی سن ماجال وئرمه دین و قارداشیمدا سسین آتدی باشینا
منی هئچ سن دینله مه دین. اوندا آتام بیر سوز ئدی کی هئچ زامان یادیمدان چیرخماز:
اوغول سن حاقلی اولدوغون زامان حتی آتانیندا اوزونه دور قوی بیلینسین کی کیم حاقلیدیر،
سنین یئدیگین کتک آنجاق اوز حاققینی بیلمه ده ن اولدو یوخسا من سنی وورمازدیم.
آتامین سوزو قولاغیمدا قالدی. بی گون ناحاق یئره منیده سیزلره تای توتوقلاییب و
ایشکنجه ائتدیلر آما آتامین سوزو هر زامانا تای قولاغیمدایدی کی دئدی سن حاققینی
ایسته اوندا دویولسن ده بئله سوچلو سن دئییلسن، اوندا سوچلو سنی دویوب و سنی
ائشیدمه یه نلردیلر. دوزدو من حاققیمی ایسته دیکجه اونلار دویوردو آما بونودا
بیلیره م کی بیر گون اونلاردا حئسابلارینی دورودماغا گرک دویوله لر، نئجه کی
بونلاردان قاباخلار دویولوب و بونلاردان سونرادا دویوله جک. آ منیم سویداشلاریم
هارایلایین و هئچ پوزولمایین، سیزین حاق سسینیزی ائشیدیب و بیلن لر وار.
قورخمایین، ساواشین و یئرینده ویجدانلارینا توخونون، اونلاریندا بلکه ویجدانی
آییلدی. بیلیره م کی سیزین هارایلارینیز اونلارا آغیر گلمه یه گوره سیز ایندی
دوستاقدا و ایشکنجه لر آلتینداسیز آما بو گوستریر کی دای سونونا یاخینلاشمیشیق
نئجه کی ماهاتما گاندی دئیمیشکن: ایلک سنی سایمازلار، سونرا سنی اویونجاق ائدیب
سنه گوله للر، سونرا سنله ساواشیب و سونوجو سن باشاریجی اولوب ظفر قازانارسان.
ایندی سنینله ساواشیرلار.
یاشاسین
آزربایجانیمیزین ایگید بالالاری
بیر گونئی لی
سویداش
