تك توران : 2ماي 2012 تاريخینده ايرانين مخفي
اورقان امکداشلاري طرفيندن آذربايجان جومهوریتی وطنداشلاري- ايکي گنج ضيالي فريد
حوسئين و شهرييار دلگرانی (حاجي زاده) توتولاراق بللي اولمايان يئره آپاريلماسي
وطالع لريندن بو گونه کيمي هئچ بير خبرين اولماماسي بيزي ده نيگران ائتميشدير. گنج يازارلارين مهدني تدبيرلرده ايشتيراکي و يا ايران آدلانان اؤلکه‌يه توريستليک سفرلريندن ايران رئژيمينين ناراحات اولماسي، "قونشو" دؤولتين گويا بو گنجلرين هارادا و کيم طرفيندن توتولوب آپاريلديغيندان "بي خبر" اولماسي اونلارين آذربايجانا قارشي اولماسي و آنتي آزربايجان سيياستي نين باريز گؤستريجيسي دير. بيز بئله موناسيبته قارشي اؤز اعتيراضيميزي بيلديرير و ايران آدلانان اؤلکه‌نين حاکيم قووه‌لريندن تئزليکله گنج ضيالي لارين آزادليغا بوراخيلماسين طلب ائدير و آذربايجان جومهوریتی نین قونشو اؤلکه‌لرله اولان صميمي و قارشيليقلي حؤرمت اساسيندا قورولموش موناسيبتيني گؤرمه‌يه چاغيريريق
