تك توران : سولدوزدان الیمیزه چاتان خبرلره، اساسن، شهید "داریوش طباخی"نین یاس تؤرهنی، 85 خوردادیندا شهید اولان ایگیدلرین ایل دؤنومو ایله بیر گونده، یعنی خوردادین دؤردونده (4/3/1391)، پنجشنبه گونو، ساعات دؤردده، سولدوز شهرینین مزارلیغیندا، کئچیرلهجک.
بو گون (27/2/1391) آذربایجان
اوچون چیرپینان بیر اورک داها دایاندی. 85 خورداد اولایلاریندا ساچما قورشونو ایله بیر گؤزونو
الدن وئرن "داریوش طباخی"،
ائله او قورشون ندنی ایله سونسوزلوغا قوووشوب، وطن اوغروندا شهیدلیک مقامینا اردی.
بیلدیگینیز کیمی 85 خورداد
اولایلاریندا، میللتین قیامی اوزهره، دؤولت، فارس شوووینیزمینی دستکلهییب، ایران ژورنالینی
قاپاتماق یئرینه میللته سالدیریب،
سوسدورماغا چالیشدی. سونوچ اولاراق نئچه مین اینسان توتوقلانیب اونلار ایگید شهید اولدو. سولدوزدا
رسمی قایناقلارا گؤره، دؤرد نفر فرمانداری
اؤنونده، امنیتی گوجلر طرفیندن دوزنلهنن سالدیریدا شهید اولوب، یوزلرجه اینسان یارالانمیشدی.
دؤرد شهیددن اوچو سولدوز شهرینده، او بیری ایسه محمدیار شهرینده، تورپاغا وئریلدی. بو اولایلارلا
بئله، راضیلاشمایان فارس
شووینیزمی و اؤزگه بالتاسینا ساپ اولانلار، شهرده آغیر امنیتی فضا یارادیب، یارالیلارین خسته
خانایا موراجعت ائتمهسینه ایمکان وئرمهمیشلر. ائله بو ندنله داریوش خسته خانایا گئده بیلمهدیگینه
گؤره، بیر گؤزونو الدن وئریر.
سونرالار، دوقتورلارین گؤزلریندن گیزلین قالان قورشون، داریوشون بئینیده آغیر خستهلیک
یارادیب، اونو بیزدن آییردی.
زینداندا اولان شهید آتاسی،
اکبر علی فتحی پور، اوغلونون یانیندا، اؤزونه
آلدیغی مزاری داریوشا باغیشلادیغینا گؤره، سولدوز شهرینده اولان توپلو شهید مزارلارین ساییسی،
دؤرده آرتدی.
سولدوزدان الیمیزه چاتان
خبرلره، اساسن، شهید "داریوش طباخی"نین یاس تؤرهنی، 85 خوردادیندا شهید اولان ایگیدلرین ایل
دؤنومو ایله بیر گونده، یعنی
خوردادین دؤردونده (4/3/1391)، پنجشنبه گونو، ساعات دؤردده، سولدوز شهرینین مزارلیغیندا، کئچیرلهجک
گوناز
