آذربايجان قهرمان ميللتي!
ايله ردير كي آزادليق اغروندا آپارديقيميز ساواش اوچون، آلچاقلاردان و اوجالاردان گئچيب بو گونوموزه چاتميشيق كي آذربايجان وار السون ديه جانيميزي وئرمه گه حاضيرلانميشيق.
بير نئچه گون انجه ايران آدلانان بو اولكه نين ميللي(!) پارلامنت ساياقينان بير خبر ائشيديب و در حال اوز گئچميشيميزي يادا سالديق، بيز نئجه سوسموشوق كي بو فاشيست لر اوزلرينه ايجازه وئريبلر كي اورمو گولو قوروسون ديه بيزيم يوخلوقوموزا فرمان يازيللار؟! 85خورداد چيخيش لاريندا ائليميزين گوجون گورمه ديلر يوخسا ياددان چيخاديبلار؟
بئله نكي بير گونده داها سوسماق اولماز! داها دانيشماقدا اولماز ! آزادليقين يالنيز خيالينا جومانلار يوخودان دورسون كي گون ميدانا گيرمك گونودور نيه كي آزادليق وئرمه لي يوخ،آنجاق آلمالي دير!
گئچن شنبه گونو وطنداشلاريميز اورمودا و سالماسدا آكسيا قوروب ،سوزلريني ديه نده ظولمون گوزو كور اولسون ديه، اللريني بير بيرينه وئريب آزادليق بايراقينا چئويريبلر. شونيست رژيم بو مدني حركتي تابلاشمادان، گوج قووه لرين واسيطه سيله خالقيميزا آتش آچيب بير نچه سيني شهيد و يارالي ائتدي.
میللی چالیشقانلاریمیزین نئچه سی قایدا سیز بیر شککیلده توتوقلانان آندا گوره ویمیز داها دا آغیرلاشیر !فاشیسته گوسترمه لییک کی 35 میلیون تورک خالقی آزادلیق اوجاقین بو دوستاقلاردان آلیشدیراجاق! بیز اینانیریق کی اورمو گولونون قوروماسی کوکوموزون قوروماسی دیر و ایران حاکیمیتی بیزیم تکجه گولوموز یوخ، وارلیقیمیزی دا یوخ ائتمک ایسته ییر.
بئله بير سيرادا بيزده ميللي حركتين دالغاسينا قاتيليب شنبه گونو تبريزده و اورمودا و باشقا شهرلرده اولان آكسيالارا دسته ك وئريب اورمو گولون گوز ياشي يوخ ، قانيميزلا دولدوراجاييق !
گؤروشوموز شنبه گونو ساهات 18
تبريز، راستا كوچه
