تی آر تی : سوریه اوردوسو تانک و زیرئهلی دؤیوش اوتوموبیل‌لری‌نین ده ایشتیراک ائتدیگی عملیاتلا حاما و دیرالزور شهرلرینی محاربه میدانینا چئویریب. نتیجه‌ده ۱۵۰ نفر اؤلوب، یوزلرله اینسان یارالانیب.
موخالیفتین قالاسی ساییلان حاما شهرینی یاندیران اوردو حیصه‌لری تانک‌لارلا اها‌لییه هجوم ائدیب. تانک‌لارین دورما‌دان آتش آچدیغی حامادا کوچه‌لرده چوخ سایدا جسدین اولدوغو بیلدیریلیر.
سوریه‌نین جنوبون‌داکی دیرالزور، حراک و بوکامالدا دا اوردونون موخالیفته آتش آچدیغی و اونلارلا اینسانین دونیاسینی دگیشدیگی قئید ائدیلیر.
بین الخالق بیرلیگین سوریه ایقتیدارینا اعتیراضلاری ایسه گئده‌رک آرتیر.
آمریکا جومهور باشقانی باراک اوباما اؤلکه‌سی‌نین سوریه خالقی‌نین یانیندا اولدوغونو و سوریه ایقیتدارینا تضییقین آرتاجاغینی آچیقلاییب.
آوروپا‌لی لیدرلر ده هوجوم‌لارین قبول ائدیلمز اولدوغونو بیلدیریب‌لر و درحال سونا چاتدیریلماسی‌نین واجیب‌لیگینی وورغولاییب‌لار.
