اویان خالقیم ، اویان خالقیم
یاتما اویان ، اویان خالقیم
زامان اوتور قیر آت تکی
یاتما اویان ، اویان خالقیم
کهلیک تکی باشلار قاردا
ایگیدلرین بوینو داردا
وطن گؤزؤ اینتظاردا
یاتما اویان ، اویان خالقیم
آنا دیلیم جان وئرمکده
اسن کولک اسن مهده
اورمو گؤلؤم نیسگیللیکده
یاتما اویان ، اویان خالقیم
نادانلاری قاندیریرلار
کتابلاری یاندیریرلار
فارسی دئییب یازدریرلار
یاتما اویان ، اویان خالقیم
ائللریمده آدلار چؤنؤر
زمانه لر بیر بیر دؤنؤر
یانان اوتلار بیر بیر سونور
یاتما اویان ، اویان خالقیم
توپراغیمیز قاریش قاریش
گئدیر الده ن مین مین قاریش
اتما اویان سنده قاریش
یاتما اویان ، اویان خالقیم
دوران واردی بیر عده ده
یاددان چیخب قورقود ده ده
وطن بیلمز بیر عده ده
یاتما اویان ، اویان خالقیم
وطن آغلر بارام یازیر
معدنلری کیملر قازر
گئجه گئدیر گؤندؤز آزیر
یاتما اویان ، اویان خالقیم
ـــــــــــــــــــــــــــــــــــــــــــــــــــــــــــــــــــــــــــــــ
تراختور :
اوت سالیر یاندیریر بیزیم تراختور
نادانی قاندیریر بیزیم تراختور
تورکی چالدیریر بیزیم تراختور
قارتالین قاتاری بیزیم تراختور
کؤز سالیب یاندیران ائلینه قوربان
تورکجه دانیشان دیلینه قوربان
جوشقون سللر تکی ائلینه قوربان
لالا تک آچیلان گولونه قوربان
بایرام تبریز لی
1390/5/30
