داوود اوغلو اسدی اویاریب
خاریجی ایشلری باخانی احمد داوود اوغلو، دونن سوریه لیدری بشار اسد ایله گؤروشدو، تورکیه‌نین اویاری‌لارینی شخصا ایلتدی.
داوود اوغلو، اسد ایله هم باش باشا هم ده هیاتلر آراسی گؤروشمه‌لر گرچکلشدیردی. دونیانین چوخ دیقتله ایزله‌دیگی گؤروشمه، ۶ ساعاتدان اوزون سوردو.
داوود اوغلو، آنکارایا دؤنوشونده وئردیگی آچیقلامادا، "قانین دورماسی سیویل ایتگیلرین دایانماسی و گلجک گونلرده ده خالقین ایستکلری دوغرولتوسوندا رفورم اوچون یاپیلماسی گرکنلر ایشلری پایلاشدیق. چوخ جیدی قونولار دانیشدیق. تک تک جزئیاتین اوزرینده دایاندیق. چوخ دئتای‌لی آچیق گؤروش‌لو بیر توپلانتی گرچکلشدیردیک" دئدی.
سوریه ایله تماس‌لارین سورجگینی بلیرتن داوود اوغلو، ساعاتلار سورن بیر توپلانتییا ایلیشکین سؤیله‌نتیلره اعتیبار ائدیلمه‌مه‌سینی ایستدی.
"سادجه و سادجه تورکیه‌نین مئساژلارینی ایلتدیک" دئیه‌ن داوود اوغلون‌دان، شام یؤنتیمینه بیر اویاری داها گلدی؛ خاریجی ایشلری باخانی، "آرتیق اؤنوموزده آیلار دئییل، گونلر وار" دئییه اویاردی.
احمد داوود اوغلو "حساس بیر سورجدن گئچیریک، گونلر، اؤنملی آرتیق، آتیلاجاق آددیم‌لارلا بون‌دان سونراسی آیدینلیق قازاناجاق" دئدی.
سوریه دؤلت باشقانی بشار اسد ایسه، سوریه خالقی‌نین گوونلیگی و اؤلکه‌نین ایستیقراری اوچون تروریست قوروپ‌لارا یؤنه‌‌لیک اوپراسیون‌لارین سورجگینی سؤیله‌دی.
گؤروشمه سونراسیندا شام یؤنتیمیند‌ن یاییلان آچیقلامادا دا، سوریه‌نین رفورم‌لارا داوام ائتمه قونوسوندا قرارلی اولدوغو بلیرتیلیرکن، دوست و قارداش اؤلکه‌لرین یاردیم تکلیفلرینه ده آچیق اولدوغو بیان ائدیلدی.
تی آر تی تورکی
