سن اوزولمه - بیر گونئیلی قیز

تک توران : سؤز وار کی قارشیسیندا سوسماق گرکدیر،سؤز وار کی داشماق.آما داشماغیم گلمیر،دانیشماغیم گلیر.

بیر آز سؤزوم وار آخی،هه...سؤزوم وار.

سؤزوم اونلارا دیر،مهسا خانیم مهدیلی نین دالیسی سوره دانیشان یالتاقلارا دیر و بو یالتاقلیقلارا دابان باسان سارساقلارا دیر سؤزوم.

من چوخ چالیشدیم،چوخ...آما سیغیشدیرا بیلمه دیم.من بو سؤزوم اوتانقاجلیغین نه یئرده،نه ده کی گؤی لر ده سسیغیشدیرا بیلمه دیم.

هله اؤز آرامیزدی، هئچ اوتانیب یاناقلارینیز قیزارمادی می؟؟؟

منه باخ!!اوتانمازلارا اوتان دئمک ده هاردان چیخمیش؟؟؟!!!

***

آما سن بوش وئر مهسا خانیم.بئله سؤزله ره باش قوشما.بو یولدا سنین کیمی قادینلارین دالیسی سوره سؤز چوخ اولار.آما نه دئمیش لر؟!!!ایت هورر،کروان کئچر...

سن اوزولمه جانیم،توکون بیله ترپشمه سین.بونلار بیر اولسالار،قارشیلاریندا مین گؤررلر.یئتر کی سن اوزولمه...

بلکه ده بو قاباغیندا گولوب دالیندا هورنلر سندن گوج دیله نیب،غیرت اوموللار...

بلکه ده اؤزله رینده اولمایان شرفی سنده گؤروب قیسقانیللار...

یوخسا بو قوتسال یولوموزدا سنین آیاق ایزله رینه آددیم قویمالاری اونلارا آغیر گلیر می؟

آما سن اوزولمه جانیم...

اوزولمه مهسا خانیم...

هئچ اوزولمه،قاداسی...

سنه اوزولمه دئییرم آما ایچیمده ائله بیر تونقال قالانیب...تونقال قالاییبلار...

آتالاریمیز بو یانقینیمی سؤندورمک اوچون یاخشی سؤز دئمیش:قورد آغاجی،ایچیندن یئیر.

بو مندن سیزلره بیر اؤیود اولسون:

آغاجیمیزین ایچینده یاشایان قورد بی جنابلاری،آز یئیین،یوخسا ائله اؤز ایچیمیزده پاتلایارسینیز.