متخصیصلرین نظرینه گؤره بو گون اورمو گؤلونون بو وضعیته دوشمهسینه سبب اورمو گؤلونه آخان چایلار اوزرینده تیکیلن چوخ سایلی سو بندلریدیر. اونلارین گلدیگی نتیجهیه گؤره، اورمو گؤلونون 27000 ایللیک چؤکونتولرینین آراشدیریلماسی ثبوت ائدیر کی، اورمو گؤلو بو اوزون دؤور عرضینده هئچ بیر قوروما تهلوکهسی ایله اوزلشمهییب. سون ایللرده اونون قوروماسینین یئگانه سببی فارس حاکمیتینین آپاردیغی مقصدلی سیاستدن قایناقلانیر. فارس مرکزلی سیاسی حاکمیت اورمو گؤلونو قوروتماقلا آذربایجان تورکلرینی اؤز آنا تورپاقلاریندان دیدرگین سالماق، اونون میللی و مدنی ثروتلرینی اؤز خئیرینه ایستیفاده ائتمک ایسته ییر.
