تک توران : آذربایجان جمهوریتی نین آنکاراداکی سفیری: تورکیه هر زامان آذربایجانین، آذربایجان دا هر زامان تورکیه‌نین یانیندا اولموشدور
"تورکیه هر زامان آذربایجانین، آذربایجان دا هر زامان تورکیه‌نین یانیندا اولوب. مستقیلیگیمیزی قازاندیغیمیز دان اعتباراً ایلیشکی لریمیز بو شکیلده داوام ائدیب و ائدیر".
بو سؤزلری "ت رت آواز"آ موصاحیبه‌سینده آذربایجانین تورکیه‌دکی سفیری فایق باغیروو سؤیله‌ییب.
.سفیر فرانسا پارلامئنتی‌نین آلت قانادیندا قبول ائدیلن و ژانویه نین ۲۳ده سناتودا مذاکیره اولونا‌جاق قوندارما "ارمنی سویقیریمی"نین انکاری‌نین جزالاندیریلماسینی اؤن گورن یاسا لایحه‌سی ایله باغلی آذربایجان‌دان وئریلن تپکی لرین ده بو دستگین باریز اؤرنگی اولدوغونو دئییب. فایق باغیروو آزربایجانین بو مسئله‌ده تورکییه‌نین یانیندا اولان، تورکیه نی دستکله‌ین ایلک و تک اؤلکه اولدوغونو وورغویلاییب. آذربایجان سفیری تورکیه مطبوعاتیندا رسمی باکی‌نین موضع نین تنقید اولونماسینا دا فیکیر بیلدیریب: "تورکییه‌ده بعضی قوه‌لر آذربایجانلا تورکیه آراسیندا اولان قارداش‌لیق موناسیبتینه دوشمنچی‌لیک توخوم‌لاری سپمه ک ایستیقامتینده چالیشماق ایسته ییر".
فایق باغیروو "یئنی شفق" قزئتینده درج اولونان "آذری قارداش، سن هارداسان" باش‌لیق‌لی مقاله نی بونا مثال گؤستریب و بونون دوشمنچی‌لیک توخومو سپمه ک ایسته‌ین دایره‌لرین ایشی اولدوغونو ادعا ائدیب: "بیر داها تکرار ائدیرم، آذربایجان و تورکیه بو مسئله‌ده عینی موضع‌دن چیخیش ائدیر. بلکه تورکیه اجتیمایتی بیلمیر، اما دسامبرین اون دوققوروندان فرانسا پارلامانیندا لاییحه قبول اولوندوق‌دان سونرا آذربایجاندا مختلیف سویه‌لرده، دیش ایشلری باخانلیغی سویه‌سینده، آیری آیری سوروملو وظیفه‌لی شخص‌لر سویه‌سینده، پرزیدنت دفتری شعبه مدیرلری سوییه‌سینده، تپکی وئریلیب. من بون‌لاری "یئنی شفق" قزئتین‌دکی مئدیا منصوب‌لارینا دا سؤیلدیم. اما تأسف کی، منیم وئردیگیم معلومات‌لار اورادا عکسینی تاپماییب. غرضلی، خوشاگلمز شرح‌لر وئریلیب. تکرار دئییرم، آذربایجان‌دان باشقا بیر اؤلکه بو مسئله‌ده تورکیه‌نین یانیدا اولماییب. چونکی بیز بیلیریک کی، بو مسئله آذربایجانین دا سورونو‌دور. چونکی آذربایجان و تورکیه ایکی قارداش اؤلکه‌دیر. بیر بیرینه یاخین دستک وئرن ایکی اؤلکه‌دیر. بیز هر یئرده عینی موضع دن چیخیش ائتمیشیک، بونا دا داوام ائدجه ییک".
فایق باغیروو آذربایجان میللی مجلیسی‌نین دسامبرین ۳۰-دا فرانسا سناتوسینا یازدیغی مکتوبو و شیخ حاجی آللاه شوکور پاشا‌زاده‌نین فرانسا سناتوسینا مراجعه تینی ده خاطیرلادیب: "بیز تورکییه‌دکی دوست‌لاریمیزلا بوتون بو مسئله‌لری مشورت شکیلینده حل ائتمه‌یه چالیشیریق. بونو داوام ائتدیرمه لیییک. ائله ائتمه لیییک کی، سون نتیجه تأثیرلی، دوشونولموش اولسون، آذربایجانا و تورکیه‌یه لازیم‌لی سویه‌ده اولسون. هئچ بیر شوبهه اولماسین، آذربایجان هر زامان اولدوغو کیمی بو گون ده تورکیه‌نین یانیندادیر. حاضردا تورکیه بویوک ملت مجلسی هیاتی آذربایجاندا گؤروش‌لر کئچیریرلر. آزربایجانین دیش ایشلری باخانی ،پرزیدنتی، پارلامنتی ایله گؤروش‌لر کئچیریب‌لر. و قناعت بو اولوب کی، آذربایجان بو مسئله‌ده تورکییه‌نین یانیندادیر. بونا کیمسه‌نین شوبهه‌سی اولماسین".
آذربایجان سفیری صاباح ۲۲-جی ایلدؤنومو اولان ۲۰ ژانویه حادثه‌لرینی و بو مسئله‌ده تورکیه‌نین وئردیگی دستگی خاطیرلادیب: "بیز تورکیه‌نین او زامان‌دان باشلایان، ۱۹۹۱-جی ایلده مستقیلیگیمیزی قازاندیغیمیز زامان داوام ائدن گوج‌لو دستگینی گؤرموشوک، بو دستگی حیس ائتمه‌یه داوام ائدیریک. تورکیه ده امین اولسون کی، آذربایجان هر زامان، بوتون مسئله‌لرده اونو دستکله‌یه‌جک. چونکی بو، بیزیم بیرگه مسئله‌میزدیر".
تی آر تی